बिरगंज | पर्साको छिपहरमाई गाउँपालिका–५ भिस्वामा बिहीबार बेलुकी भएको गोली प्रहारमा १६ वर्षीय गोलु आलम घाइते भएका छन्।
गाउँपालिका कार्यालय पछाडिको सडकमा अपरिचित समूहले गोली चलाउँदा उनको बायाँ तिघ्रामा गोली लागेको हो। उनलाई नारायणी अस्पताल, वीरगञ्जमा उपचारका लागि भर्ना गरिएको छ।
घटनापछि प्रहरीले संलग्न भएको आशंकामा तीन किशोरलाई नियन्त्रणमा लिएको छ। स्थानीयका अनुसार छेडखानी सम्बन्धी पुरानो विवादले घटना उक्साएको हुनसक्ने बताइएको छ। प्रहरीले थप अनुसन्धान जारी राखेको छ।
