२७असार,बिरगंज |पर्साको पकाहामैनपुर(मधुवनी)मा नवनिर्मित छठघाटमा कमिशनको कुरा नमिलेपछि भत्काउनेहरुमाथि कारबाहीकोलागि सरोकारवाले माग गरेको छ | पर्सा जिल्कोलाको पकाहामैनपुर गाँउपालिका वडा न. २ मधुवनीमा रहेको सार्वजनिक पोखरीको डिलमा नवनिर्मित छठघाटको भौतिक संचरना भत्काउनेहरुलाई कारबाही गर्न माग गरिएको छ ।
छठघाट निर्माण गरेका उपभोक्ता समितिका अध्यक्ष श्रीनिवास प्रसाद चौहानले शुक्रबार वीरगन्जमा पत्रकार सम्मेलन गरेर छठघाटको संरचना अनेक बहाना गरि भत्काउने कार्य गरेको स्थानीय अशोक साह तेली र उनका छोरा गणेश साह तेलीलाई कारबाही गर्न माग गरेका हुन् ।
छठघाट निर्माणकै क्रममा अशोक र उनका छोरा गणेशले कमीशन वापत ३ लाख रुपैयाँ आफूसित मागेको तर आँफुहरुले कमीशन नदिएपछि निर्माणकै समयदेखि उनिहरुले निर्माण कार्यमा भाँजो हाल्दै आएको भएपनि स्थानीयको साथ र सहयोगमा छठघाट निर्माणको काम गत जेठ १६ गते सकेको उपभोक्ता समितिका अध्यक्ष चौहानले बताए ।
चौहानका अनुसार, मधेस प्रदेश सरकारको पर्यटन मन्त्रालयबाट प्राप्त ३० लाख रुपैयाँको लागतमा मधुवनीको सार्वजनिक पोखरीको डिलमा निर्मित पक्की भर्याङ पोखरीको ठेक्का लिएका अशोक र उनका छोरा गणेशले भत्काएका हुन् ।
त्यस्तै अशोक र उनका छोरा गणेशले नवनिर्मित छठघाटको अनेक बहाना गरि भर्याङ भत्काउने नियतले बोरिङबाट पानी पोखरीमा भर्ने क्रममा भर्याङ तलको माटो बगेर संरचना भत्कन थालेको चौहानले बताए ।
धार्मिक आस्थासंग जोडिएको छठघाटको संरचना भत्काउने कायमा संलग्न अशोक र उनका छोरा गणेशलाई कारबाहीको दायरामा ल्याउन पत्रकार सम्मेलनमा जनता समाजवादी पार्टीका केन्द्रिय सदस्य जनार्दन यादवले पनि माग गरे । साथै उनले छठघाटको संरचनाको संरक्षणका लागिपनि पहल गरिदिन स्थानीय प्रशासन र प्रहरीसंग माग गरे ।
