वीरगञ्ज । जनमत पार्टीबाट अलग भएका नेताहरूले जनकपुरमा नयाँ पार्टी ‘जनस्वराज’ घोषणा गरेका छन्। डा. सञ्जयकुमार साहको अध्यक्षतामा सम्पन्न बैठकले पार्टी गठन गरेको हो।
नयाँ पार्टी सामूहिक नेतृत्वमा सञ्चालन हुने बताइएको छ। प्रारम्भमा तीन विभाग गठन भएका छन्–
राजनीतिक संगठन विभाग : ई. दीपक साह
आर्थिक विभाग : ई. सुरेन्द्रनारायण यादव
प्रशिक्षण विभाग : डा. सञ्जयकुमार साह
दीपक साह र यादव जनमत पार्टीका पूर्व उपाध्यक्ष तथा कोषाध्यक्ष हुन्, जसलाई अध्यक्ष डा. सीके राउतले कारबाही गरेका थिए।
‘जनस्वराज’ पार्टीले मधेसका जनताको अधिकार र समृद्ध समाज निर्माणका लागि अभियान सञ्चालन गर्ने जनाएको छ।
