दशैंको अवसरमा वीरगञ्ज कपडा बैंकले घण्टाघरमा करिब ९५० थान नयाँ र पुराना कपडा गरीब तथा असहायलाई नि:शुल्क वितरण गरेको छ। कार्यक्रमको अध्यक्षता लालबाबु सिंहले गरेका थिए भने प्रमुख अतिथि वरिष्ठ समाजसेवी अधिवक्ता पन्नालाल गुप्ता रहे।
गुप्ताले आम्दानीको केही हिस्सा असहाय सेवामा खर्च गर्न सबैलाई आग्रह गर्दै दशैंलाई आपसी एकता र भाईचाराको पर्वका रूपमा मनाउन अपिल गरे। बिशिष्ट अतिथि प्रकाश उपाध्यायले नयाँ लुगा किन्न नसक्ने विपन्नलाई सहयोग गर्नु सबैको सामाजिक उत्तरदायित्व भएको बताए।
सचिव कन्हैया पटेलले दाताहरू, सञ्चारकर्मी र पदाधिकारीलाई धन्यवाद दिंदै सम्पूर्णलाई दशैंको शुभकामना दिएका थिए।
