काठमाडौं । न्यायिक आयोगले जेन–जी आन्दोलन दमनबारे जाँचबुझ गर्न गठित न्यायिक आयोगले तत्कालीन प्रधानमन्त्री केपी शर्मा ओलीसहित पाँच जनालाई विदेश भ्रमणमा रोक लगाउन र उपत्यका बाहिर जान नपाउने व्यवस्था गर्न सिफारिस गरेको छ।
सूचीमा ओलीसँगै तत्कालीन गृहमन्त्री रमेश लेखक, गृहसचिव गोकर्णमणि दुवाडी, राष्ट्रिय अनुसन्धान प्रमुख हुतराज थापा र काठमाडौंका प्रमुख जिल्ला अधिकारी छवि रिजाल छन्। आयोगले उनीहरू अनुसन्धानको दायरामा रहेकाले यस्तो सिफारिस गरिएको जनाएको छ।
गत २३ भदौको जेन–जी आन्दोलनमा प्रहरीले गोली चलाउँदा १९ जनाको मृत्यु भएको थियो।
