काठमाडौं । भारतीय प्रधानमन्त्री नरेन्द्र मोदीले भने नेपाललाई आवश्यक कुनै पनि सहयोग गर्न तयार रहने नेपालमा हाल भइरहेको भारी वर्षाका कारण जनधनमा आएको क्षतिप्रति दुःख व्यक्त गर्दै भारत नेपाल र नेपाली जनताको साथमा रहेको बताएका छन्।
मोदीले आइतबार सामाजिक सञ्जाल एक्समार्फत जारी गरेको सन्देशमा भनेका छन्, “नेपालमा भारी वर्षाका कारण भएको जनधनको क्षति दुःखदायी छ। यस कठिन समयमा हामी नेपाल र नेपाली जनताको सरकारसँग साथमा छौँ।”
उनले दुई छिमेकीबीचको मैत्रीपूर्ण सम्बन्धलाई औंल्याउँदै भारतले आवश्यक परे नेपाललाई कुनै पनि सहयोग उपलब्ध गराउन प्रतिबद्ध रहेको पनि बताए।
भारत र नेपालबीचको सदियौँ पुरानो सम्बन्धलाई अझ सुदृढ बनाउँदै प्रधानमन्त्री मोदीको यो सन्देशले कठिन समयमा दुवै देशबीचको सहयोग र मित्रता झल्काएको छ।
