१४ साउन, काठमाडौं ।जिल्ला अदालत काठमाडौंले मधेश प्रदेशका पूर्वप्रमुख राजेश अहिराजलाई पुर्पक्षका लागि थुनामा पठाउने आदेश दिएको छ।
उनलाई न्यायाधीश पिताम्बर शर्माको इजलासले बलात्कार आरोपमा दायर मुद्दामा पुर्पक्षका लागि थुनामा राख्न आदेश दिएको हो। एक महिलाले अहिराजविरुद्ध बलात्कारको उजुरी दिएपछि अनुसन्धान थालिएको थियो।
अहिराजलाई २०७८ साउन ४ गते प्रहरीले पक्राउ गरेको थियो। पक्राउपछिको ९ दिनभित्रै प्रहरीको अनुसन्धान प्रतिवेदनका आधारमा सरकारी वकिल कार्यालय काठमाडौंले जिल्ला अदालतमा मुद्दा दायर गरेको हो।उजुरी अनुसार, २०७८ जेठ ४ गते काठमाडौंको नयाँ बानेश्वरस्थित डेरामा ती महिलामाथि बलात्कार गरिएको आरोप लागेको छ।
अहिराजले भने आफू निर्दोष रहेको दाबी गर्दै उक्त महिलाविरुद्ध झुटो आरोप लगाएको भन्दै प्रतिआरोप स्वरूप मुद्दा दायर गरेका छन्।अहिले उनी प्रहरी हिरासतबाट थुनामा पठाइएका छन् भने घटनाको थप अनुसन्धान जारी रहेको छ।
