बिरगंज । काठमाडौं महानगरपालिकाका मेयर बालेन्द्र शाह (बालेन) बिरगंज आइपुग्दा सर्वसाधारणको उल्लेखनीय भीड देखिएको छ। उनको स्वागतका लागि सडकमा ओइरिएको जनसागरका कारण मुख्य बजार क्षेत्र र आसपासका सडकहरूमा लामो समयसम्म ट्राफिक जाम भएको थियो। भीड व्यवस्थापन गर्न प्रशासन र ट्राफिक प्रहरीलाई हम्मे–हम्मे परेको देखिएको थियो।
बालेनको आगमनसँगै “बालेन आउ, देश बचाउ” भन्ने नारा गुन्जिएको थियो। समर्थकहरूले देशको बेथिति अन्त्य गर्न बालेनले महत्वपूर्ण भूमिका खेल्ने विश्वास व्यक्त गरेका थिए। आगमनमा बोल्दै बालेनले सुशासन, पारदर्शिता र विकासलाई प्राथमिकतामा राखेर काम गर्नुपर्ने धारणा व्यक्त गरेका थिए।
स्थानीय युवाहरूको उल्लेखनीय जनलहरको सहभागिताले बिरगंज बजार उत्साहजनक बनेको थियो। कतिपयले बिरगंजबाटै देशको बेथिति सुधारको सन्देश फैलिने आशा व्यक्त पनि गरे।
यसैबीच,अत्यधिक भीडका कारण केही समय यातायात प्रभावित बने पनि जनताको जनसागर शान्तिपूर्ण रूपमा सम्पन्न भएको प्रशासनले जनाएको छ।
