वीरगंज । राष्ट्रिय स्वतन्त्र पार्टी वीरगंज महानगरपालिका वडा नं. ४, ५ र १२ लगायत अन्य वडाहरूको वडा अधिवेशन सम्पन्न भएको छ । अधिवेशनबाट नयाँ वडा समिति चयन गरिएको पार्टीले जनाएको छ ।
कार्यक्रममा पार्टीका क्षेत्रीय तथा जिल्ला तहका नेताहरूको उल्लेखनीय उपस्थिति रहेको थियो । अधिवेशनमा राम आर्य प्रमुख अतिथिका रूपमा सहभागी भएका थिए । त्यस्तै कृष्ण पासवान, गौतम श्रेष्ठ लगायत पार्टीका विभिन्न नेता तथा कार्यकर्ताहरूको सहभागिता रहेको थियो ।
कार्यक्रमलाई सम्बोधन गर्दै सभापति आर्यले नवनिर्वाचित सम्पूर्ण पदाधिकारीहरूलाई हार्दिक बधाई तथा शुभकामना व्यक्त गर्दै सफल कार्यकालको कामना गरेका थिए । उनले संगठनलाई वडा तहसम्म सशक्त बनाउँदै जनताको विश्वास जित्ने गरी काम गर्न आग्रह गरे ।
अधिवेशनमार्फत वडा स्तरमा पार्टी संगठन विस्तार, जनसरोकारका मुद्दामा सक्रियता तथा आगामी राजनीतिक कार्यक्रमलाई प्रभावकारी बनाउने विषयमा समेत छलफल भएको जनाइएको छ ।
