काठमाडौं । परराष्ट्रमन्त्री शिशिर खनाल र नेपालका लागि फ्रान्सकी नवनियुक्त राजदूत फ्रान्स्वाज पुइगिन्जाबीच शिष्टाचार भेटवार्ता भएको छ।
परराष्ट्र मन्त्रालयमा आज भएको भेटमा मन्त्री खनालले राजदूत पुइगिन्जालाई नियुक्तिका लागि बधाई दिँदै सफल कार्यकालको शुभकामना व्यक्त गरेका छन्।
भेटका क्रममा नेपाल–फ्रान्स सम्बन्धलाई थप सुदृढ बनाउने तथा पारस्परिक सहयोग विस्तार गर्ने विषयमा छलफल भएको मन्त्रालयले जनाएको छ।
दुई पक्षबीच हवाई सेवा, जलवायु परिवर्तन, वैज्ञानिक अनुसन्धान र बहुपक्षीय सहकार्यमार्फत द्विपक्षीय सम्बन्धलाई थप प्रभावकारी बनाउने विषयमा समेत विचार आदानप्रदान भएको जनाइएको छ।
