बिरगंज| फिल्म ‘रामायण’को सेटका केही तस्वीर र भिडियो भाइरल भएपछि निर्देशक खुसी भएन ।
त्यसै कारण निर्देशकले छायांकन सेटमा मोबाइल फोनको प्रयोगमा रोक लगाएका छन् । इण्डिया टुडेका अनुसार निर्देशक र उनको टोलीले सुटिङ सुरु हुँदा अतिरिक्त कर्मचारी र टोलीलाई सेटबाहिर निस्कन रोक लगाएको छ ।
आवश्यक कलाकार र प्राविधि बाहेक अरुलाई छायांकन सेटमा नबस्न भनिएको छ । फिल्ममा अरुण गोविल राजा दशरथको भूमिकामा र रानी कैकेयीको भूमिकामा लारा दत्तले अभिनय गरेकी छिन् ।
पिंकभिलाको रिपोर्ट अनुसार फिल्म सिटीमा गुरुकुलको सेट तयार गरिएको छ । पहिलो सेड्युलमा राम, लक्ष्मण र भरतको बाल्यकालको भूमिका निर्वाह गर्ने बाल कलाकारले सुटिङ गरिरहेका छन् ।
इण्डिया टुडेका अनुसार रणवीरले पनि छिट्टै यो फिल्मको सुटिङ सुरु गर्ने भएका छन् । निर्माता र उनको टोली रणवीरको कुनै पनि वास्तविक फुटेज सार्वजनिक नहोस् भन्नेमा सचेत छन् । यसकारण उनीहरुले सेटमा आफ्नो बडी-डबल राख्ने पनि सोचिरहेका छन् ।
फिल्म ‘रामायण’लाई निर्माण पक्षले तीन भागमा रिलिज गर्ने भएको छ । पहिलो भाग अर्को वर्षको दोस्रो त्रैमासिकमा रिलिज हुने अपेक्षा छ । फिल्ममा साई पल्लवी माता सीताको भूमिकामा हुनेछिन् भने ‘केजीएफ’ स्टार यश रावणको भूमिकामा देखिनेछन् ।
रवि दुबे लक्ष्मण र सनी देओल हनुमानको भूमिकामा देखिनेछन् भने बाकि निर्माताबाट आधिकारिक घोषणा आउन बाँकी छ भने जानकारी प्राप्त भएको छ ।
