३२ जेठ, काठमाडौं । नेपाल प्रहरीका ७ जना प्रहरी उपरीक्षकको प्रहरी प्रधान कार्यालयले सरुवा तथा पदस्थापन भएको छ ।
प्रहरी प्रधान कार्यालयका अनुसार काठमाडौं उपत्यका अपराध अनुसन्धान कार्यालयमा जिप्रका पश्चिम नवलपरासी भएका काजीबहादुर आचार्यलाई सरुवा गरिएको छ । नवलपरासीमा मानव बेचविखन अनुसनधान ब्युरो मानव बेचविखन अनुसन्धान शाखामा रहेका एसपी ज्ञानेन्द्रप्रसाद फुयाँललाई पठाएको छ ।
मानव बेचविखन अनुसन्धान शाखामा एकनारायण कोइरालाको सरुवा भएको छ । उनी नेपालप्रहरी विपद् व्यवस्थापन कार्यालय/कार्यपरिचलन शाखामा कार्यरत थिए ।
अपराध अनुसन्धान विद्यालय मानव स्रोत व्यवस्थापन शाखामा रहेका एसपी प्रदीपबहादुर क्षेत्रीको कोशी प्रदेश प्रहरी गण, विराटनगरमा सरुवा भएको छ ।
मधेश प्रदेश प्रहरी गण जनकपुरमा रहेका हरिहरनाथ योगीलाई बागमती प्रदेश प्रहरी कार्यालय आर्थिक प्रशासन तथा प्रबन्ध महाशाखामा सरुवा गरिएको छ । मधेश प्रदेश प्रहरी गणमा नारायण रञ्जितकार गएका छन्, जो नेपाल प्रहरी विद्यालय, साँगामा थिए ।
राष्ट्रिय सुरक्षा परिषद्को सचिवालयमा रहेका अनन्तराम शर्माको गण्डकी प्रदेश प्रहरी गण, पोखरा सरुवा भएको छ भने जानकारी प्राप्त भएको छ ।
