२९ कात्तिक,पर्सा | वीरगंज महानगरपालिका-१५ मा करिब २२ किलो चरेशसहित ३ जना पक्राउ परेका छन्। पक्राउ पर्नेहरूमा बारा सिम्रौनगढ नगरपालिका-४ हरिहरपुरका २९ वर्षीय मकसुद अन्सारी, २० वर्षीय रामलाल सहनी र भारत विहार मोतीहारी ग्राम आदापुर बस्ने २९ वर्षीय मुकेश कुमार रहेका छन्।
प्रहरीका अनुसार भिष्वा होटल अगाडि ४० फिट्टे सडकबाट २२ किलो ५ सय ग्राम चरेससहित ३ जनालाई बुधबार साँझ प्रहरीले पक्राउ गरेको हो।
जिल्ला प्रहरी कार्यालय पर्सा र वडा प्रहरी कार्यालय श्रीपुरबाट खटिएको प्रहरीले ना.१५ प ११५६ नम्बरको मोटरसाइकलमा सवार उनीहरूलाई उक्त परिमाणको चरेश सहित फेला पारी पक्राउ गरिएको प्रहरीले जनाएको छ।
