६ फागुन,काठमाडौँ ।भारतमा प्रकृति लम्सालको मृत्यु प्रकरणबारे राष्ट्रिय स्वतन्त्र पार्टी(रास्वपा)ले गम्भीर ध्यानाकर्षण भएको बताएको छ ।
रास्वपा कार्यवाहक महामन्त्री कवीन्द्र बुर्लाकोटीले एक विज्ञप्ति जारी गर्दैमं गलबार सो घटनाका विषयमा गम्भीर ध्यानाकर्षण भएको जनाएको हो ।
लम्साल मृत्यु प्रकरणबारे सत्य तथ्य छानबिन गर्न माग गरी नेपाली विद्यार्थीहरूले विरोध प्रदर्शन गर्दै गर्दा नेपाली विद्यार्थीहरूलाई निर्वासित (डीपोर्ट) गरी नेपाल पठाउनु केआईआईटी प्रशासनको कमजोरी भएको विज्ञप्तिमा औँल्याइएको छ ।
उक्त घटनामा निष्पक्ष छानबिन गर्न नेपाल सरकार र सम्बन्धित निकायको ध्यानाकर्षण गराएको छ ।
