२९चैत, वीरगञ्ज । नेपाली बजारमा सुनको मूल्य आज पुनः लगातार बढेर नयाँ रेकर्ड तोलामा ३ हजार ९ सय रुपैयाँले बढेर १ लाख ८५ हजार रुपैयाँमा पुगेको छ।
नेपाल सुनचाँदी व्यवसायी महासङ्घका अनुसार छापावाल सुनको मूल्य तोलाको १ लाख ८५ हजार रुपैयाँ पुगेको हो। अघिल्लो दिन बिहीबार यो मूल्य तोलाको १ लाख ८१ हजार १ सय रुपैयाँ रहेको थियो।
यसरी हेर्दा एकै दिनमा सुनको मूल्य ऐतिहासिक रूपमा उच्च वृद्धि भएको देखिन्छ। मूल्य वृद्धिसँगै बजारमा सुनको कारोबार र आम उपभोक्ताको क्रय क्षमता प्रभावित हुने देखिएको छ।
महासङ्घका अनुसार आज चाँदी तोलाको १ हजार ९ सय ५ रुपैयाँमा कारोबार भइरहेको छ। अघिल्लो दिन बिहीबार चाँदी १ हजार ९ सय रुपैयाँमा कारोबार भएको थियो।
