५असार,बिरगंज|अफताब आलमलाई सफाइ दिने दुई न्यायाधीश न्यायपरिषदमा तानिएको छ | उच्च अदालत जनकपुर अस्थायी इजलास वीरगन्जका दुई न्यायाधीश न्यायपरिषदमा तानिएका छन् । न्यायाधीश खुसीराम थारू र अर्जुन महर्जन बिहीबार न्यायपरिषद् तानिएका हुन् ।
उनी दुई न्यायाधीशहरूलाई न्यायपरिषदमा तानेर अहिले उपस्थित गराइएको न्यायपरिषद् स्रोतले जनाएको छ ।न्यायधीश थारूसहितको इजलासले गत १४ जेठमा कांग्रेस नेता अफताब आलमसहितलाई सफाइ दिने फैसला गरेको थियो। सोही फैसलाको विरोधमा यसरी इजलासभित्रै न्यायाधीशमाथि दुर्व्यवहार भएको हो ।
उच्च अदालत जनकपुर अस्थायी इजलास वीरगन्जका सूचना अधिकारी शम्मी कपुर साहलाई यसबारेमा जानकारी लिन खोज्दा वीरगन्जबाहिर रहेकाले यसबारे बोल्न चाहेनन् ।
न्यायाधीश थारू र महर्जनमाथि न्यायपरिषदमा उजुरी परेको छ । रौतहट बम काण्डमा मृत्यु भएका भनिएका पिन्टु सिंहका पिता त्रिलोकप्रताप सिंह र युवराज सफलले दुवै न्यायाधीशउपर छानबिनको माग गरेका छन् । साथै यस विषयमा कानुनमन्त्रीसमेतको संलग्नता रहेकाले उनको कल डिटेल जाँच्न पनि माग भएको छ । कानुन व्यवसायीहरूको संगठन र संसदमा समेत उक्त फैसलामा कानुनमन्त्री जोडिएको भन्दै छानबिन गर्ने विषय उठेको छ।
