काठमाडौं| जेन–जी आन्दोलनका क्रममा भएको दमन र क्षतिबारे छानबिन गरिरहेको जाँचबुझ आयोगले तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई आगामी साता बयानमा बोलाउने तयारी गरेको छ ।
आयोगले पछिल्लो एक सातादेखि तत्कालीन गृहसचिव तथा सुरक्षा निकायका प्रमुखहरूको बयान लिइरहेको छ । बाँकी बयान सकिएपछि ओली र लेखकलाई क्रमैसँग बोलाइने आयोगले जनाएको छ ।
आयोगको तीन महिनाको म्याद सकिन एक साता मात्र बाँकी रहेकाले म्याद थपबारे प्रधानमन्त्री सुशीला कार्कीसँग छलफल भएको छ । बाँकी कामका कारण तोकिएको समयभित्र छानबिन सकिन नसक्ने आयोगको भनाइ छ ।
यसैबीच सरकारले थप दिएको कार्यादेश कानुनसँग बाझिन सक्ने भन्दै आयोगले असन्तुष्टि जनाएको छ । हालसम्म आयोगले १५० जनाभन्दा बढीको बयान र कागजात संकलन गरिसकेको जनाएको छ ।
