रौतहट जिल्लाको ईशनाथ नगरपालिका वडा नं ७, जोकहा घिउरास्थित श्री विशेश्वर प्रसाद कोइराला आदर्श माध्यमिक विद्यालयको सार्वजनिक जग्गामा निर्माण गरिएका पक्की घर तथा टहरा हटाउन १० दिने सूचना जारी गरिएको छ।
विद्यालय प्रशासन र स्थानीय सरकारले सार्वजनिक सम्पत्तिको संरक्षण गर्न यो कदम चालेको बुझिएको छ। सूचनामा अतिक्रमण हटाएर विद्यालयको जग्गा सुरक्षित राख्नु सबैको दायित्व भएको उल्लेख छ।
१० दिने म्याद सकिएपछि नगरपालिकाले अनुगमन गरी अटेर गर्ने संरचनामा डोजर चलाउने तयारी गरेको छ।
