काठमाडौं |नेपाली बजारमा सोमबार सुनको मूल्यमा उल्लेख्य गिरावट आएको छ। नेपाल सुन–चाँदी व्यवसायी महासंघका अनुसार आइतबारको तुलनामा सोमबार छापावाल सुनको मूल्य प्रतितोला २ हजार ८ सय रुपैयाँले घटेको हो।
यससँगै छापावाल सुनको कारोबार मूल्य प्रतितोला २ लाख ८५ हजार २ सय रुपैयाँ कायम भएको छ। आइतबार सुन प्रतितोला २ लाख ८८ हजार रुपैयाँमा कारोबार भएको थियो।
यता, चाँदीको मूल्य पनि सामान्य घटेको छ। महासंघका अनुसार सोमबार चाँदीको मूल्य प्रतितोला १ सय रुपैयाँले घटेर ४ हजार ३७५ रुपैयाँ कायम भएको छ। आइतबार चाँदी प्रतितोला ४ हजार ४७५ रुपैयाँ मा कारोबार भएको थियो।
अन्तर्राष्ट्रिय बजारमा सुनको मूल्यमा आएको उतारचढावको प्रभाव नेपाली बजारमा पनि देखिएको व्यवसायीहरू बताउँछन्। त्यसका कारण सोमबार सुन र चाँदी दुवैको मूल्यमा गिरावट आएको हो।
