९ पुष, वीरगञ्ज ।एक जना पुरुष मृत अवस्थामा वीरगञ्जको लिंकरोड स्थित होटल कलसमा फेला परेका छन् । आज विहान वीरगञ्ज महानगरपालिका वडा नं १७ का ६५ वर्षीय संतसाह तुरहा मृत अवस्थामा फेला परेका हुन् ।
जिल्ला प्रहरी कार्यालय, पर्साका डि.एस.पी किशोर लम्सालका अनुसार तुरहा सुतेकै अवस्थामा मृत फेला परेका हुन् ।
मृतकको शरिरमा कुनै किसिमको चोटपटकको संकेत देखिएको छैन । होटल कलसका सञ्चालक कुबेर कार्कीका अनुसार संतसाह तुरहा सोमबार साँझ ४ बजे १ महिलासँगै दम्पति भनेर बुक गरेका थिए ।
“संतसाह विरामी थिए ।”तुरहाको चेकजाँजका लागि वीरगञ्ज आएको होटललाई जानकारी दिएको होटल सञ्चालक कार्कीले बताए । तर प्रहरीको प्रारम्भिक अनुसन्धानमा मृतक एकल पुरूष रहेको खुलेको छ ।
तुरहाको शव पोस्टमार्टमका लागि नारायणी अस्पताल पठाइएको छ । घटनाबारे थप अनुसन्धान भइरहेको प्रहरीले जनाएको छ
