लुम्बिनी । नेकपा एमालेकी नेता रामकुमारी झाँक्री लुम्बिनी प्रदेशबाट राष्ट्रिय सभा सदस्यमा निर्वाचित भएकी छन्। एमाले–कांग्रेस गठबन्धनको समर्थनमा उनले सहज जीत हासिल गरेकी हुन्।
महिला समूहअन्तर्गत उम्मेदवार रहेकी झाँक्रीले कुल ६ हजार ३३३ मतभार प्राप्त गर्दै राष्ट्रिय सभामा प्रवेश गरेकी छन्। लुम्बिनी प्रदेशका तीनवटै सिटमा एमाले–कांग्रेस गठबन्धनका उम्मेदवारहरू विजयी भएका छन्।
अपाङ्गता समूहअन्तर्गत कांग्रेसका बासुदेव घिमिरे ‘जंगली’ ५ हजार ३२२ मतभारसहित निर्वाचित भएका छन् भने अन्य समूहमा कांग्रेसका चन्द्रबहादुर केसीले ५ हजार ९७७ मतभार प्राप्त गर्दै जीत हात पारेका छन्।
यस परिणामसँगै लुम्बिनी प्रदेशमा एमाले–कांग्रेस गठबन्धनको प्रभाव स्पष्ट देखिएको छ, जहाँ तीनवटै सिटमा साझा उम्मेदवारहरूले विजय सुनिश्चित गरेका छन्।
