बिरगंज | पर्सा क्षेत्र नम्बर–१ बाट जनमत पार्टीका उम्मेदवार ओमप्रकाश सरार्फले वीरगन्ज महानगरपालिका वडा नम्बर–३२ अन्तर्गत टेढा र रामवनमा भेटघाट तथा संवाद कार्यक्रम सम्पन्न गरेका छन्।
कार्यक्रमका क्रममा उम्मेदवार सरार्फले वीरगन्जका ग्रामीण वडाहरू अझै पनि विकासका आधारभूत पूर्वाधारबाट वञ्चित रहेको बताए। उनले जनप्रतिनिधिहरूले ग्रामीण गाउँहरूलाई ठगेको आरोप लगाउँदै ग्रामीण भेगका बासिन्दाले महानगरको अनुभूति गर्न नसकेको उल्लेख गरे।
सरार्फले आफू निर्वाचित भएमा ती वडाहरूको विकास र समृद्धिका लागि विशेष विकास प्याकेज ल्याउने प्रतिबद्धता व्यक्त गरे। साथै देश र मधेसको निकासका लागि उत्कृष्ट दृष्टिकोण जनमत पार्टी र डा. सीके राउतसँग मात्रै रहेको दाबी गर्दै ‘हर्न’ चुनाव चिह्नमा मतदान गर्न सबै मतदातालाई आग्रह गरे।
उक्त कार्यक्रममा डा. मनोज कुमार, नजमा खातुन, सीए देवराज, महादेव शर्मा, निराजन कुशवाहा, सहनवाज राकी, अजित सिंह, मन्जय शर्मा, सुमित सिंह, नागेन्द्र गुप्ता, हाजारी साह लगायतका नेताहरू तथा स्थानीयहरूको उल्लेख्य सहभागिता रहेको थियो।
