२५ बैशाख,वीरगञ्ज । वीरगञ्जको सीमावर्ती क्षेत्र रक्सौलस्थित भारतीय एसएसबीले मितेरी पुलबाट पेस्तोलसहित नेपाली नागरिकलाई पक्राउ गरेको छ ।
नवलपरासी जिल्ला गैँडाकोट बसने २५ वर्षीय मनोज महर्जनलाई दुई थान पेस्तोल र म्याग्जिनका साथ पक्राउ गरिएको भारतीय एसएसबीद्वारा जानकारी आएको छ । साथै नवलपरासीकै विवेक मल्ल ठकुरी फरार भएको एसएसबीका सहायक कमान्डेट गुलाब चौधरीले जानकारी दिएको छ ।
उनकाअनुसार बरामद दुवै पेस्तोल ९ एमएमका मध्ये एक मेड इन यूएसए र अर्काे मेड इन इटली रहेको छ । तिमध्ये एउटा म्यागजिन सहित लोड भने अर्काे खालि । के प्रयोजनका लागि हतियारसहित भारत प्रवेश गर्न लागेको भन्ने यकिन भइसकेको छैन भने यस विषयमा आवश्यक अनुसन्धान भइरहेको एसएसबीले जनाएको छ ।
दुई हथियारधारी व्यक्ति भारत प्रवेश गरेको विशेष सूराकीका आधारमा चेकजाँच गर्न खोज्दा दुवै डंकन रोडतर्फ भागदै अगाडी बढेपछि उनीहरुले झाडीमा पेस्तोल र म्याग्जिन फालेका थिए ।सोही क्रममा एक जनालाई एसएसबीले पक्राउ गर्न सपल भयो भने विवेक मल्ल ठकुरी भाग्न सफल भएको इन्स्पेक्टर राजीव नन्दन सिन्हाले जानकारी दिए । घटना बारे नेपाल प्रहरीसँग समन्वय गरिअनुसन्धान भइरहेको छ भने जानकारी प्राप्त भएको छ।
