२१ साउन, काठमाडौं ।अमेरिकाका नोह लायल्सले पेरिस ओलम्पिक २०२४ मा पुरुष एक सय मिटर दौडमा स्वर्ण जित्दै विश्वकै सबैभन्दा छिटो दौडने व्यक्ति बन्न सफल भएका छन् ।
बितेको राति स्टेड डे फ्रान्समा भएको एस मिटर दौडमा नोह लायल्सले निर्धारित दूरी ९.७८४ सेकेण्डमा पूरा गर्दै स्वर्ण जितेका हुन् ।
लायल्सले जमैकन धावक किसाने थोम्पसनलाई फोटो फिनिसमा पछि पारे । थोम्पसनले ९.७८९ सेकेण्डमा दौड पूरा गर्दै रजत जिते ।
त्यस्तै अमेरिकाकै फ्रेढ केर्लेले ९.८१ सेकेण्ड समय सहित कांस्य पनि जिते ।
