२५ चैत,बुटवल ।राष्ट्रिय स्वतन्त्र पार्टी (रास्वपा) का सभापति रवि लामिछानेलाई बुटवलको सुप्रिम सहकारी प्रकरणमाको मुद्दामा भैरहवा कारागार चलान गरिएको छ ।
लामिछानेलाई आज जिल्ला अदालत रुपन्देही लगेर थुनुवा पुर्जी दिई कारागार ल्याइएको जिल्ला प्रहरी कार्यालय रुपन्देहीले जनाएको छ ।
लामिछाने अब अदालतको फैसला नआउन्जेल कारागारमा रहने छन् ।
उच्च अदालत तुलसीपुरको बुटवल इजलासले थुनामा राख्ने आदेश दिएपछि लामिछानेलाई शुक्रवार काठमाडौँबाट पक्राउ गरी शनिवार विमानमार्फत भैरहवा ल्याइएको थियो ।
