२७चैत्, रौतहट | रौतहटको चन्द्रपुर नगरपालिका वडा नम्बर ७ स्थित बनबहुअरी टोलबाट ४ किलो गाँजा खाटमुनि लुकाएर राखेको एक जना लागुऔषध गाँजासहित एकजना पक्राउ परेका छन् । विशेष सूचनाका आधारमा इलाका प्रहरी कार्यालय चन्द्रनिगाहपुरबाट खटिएको टोलीले ५० वर्षीय सुरेन्द्र साहलाई पक्राउ गरेको हो ।“““
साहलाई उनको घर अगाडि सडकमा फेला पारेर नियन्त्रणमा लिइएको प्रहरीले जनाएको छ । त्यसपछि घर खानतलासी गरिएकोमा साह सुत्ने कोठाको खाटमुनि “बाबा पोता” लेखिएको झोलामा गाँजा लुकाइएको अवस्थामा फेला परेको थियो ।
उक्त बरामद भएको गाँजा ४ किलो १०० ग्राम रहेको छ । पक्राउ परेका साहमाथि लागुऔषधसम्बन्धी कसूरमा अनुसन्धानका लागि रौतहट जिल्ला अदालतबाट १० दिनको म्याद थप गरि थप अनुसन्धान भइरहेको प्रहरी निरीक्षक साजन कुमार शर्माले बताए ।
