४बैसाख, काठमाडौं | रसुवा जिल्लाको रसुवागढी नाकाबाट साढे ७ किलो सुन सहित चालक प्रहरीले पक्राउ गरेको छ।
चीनको केरुङबाट नेपालमा आउँदै गरेको बा ४ ख ६२०१ नम्बरको स्याउ बोकेको कन्टेनरबाट उक्त परिमाणको सुन बरामद गरिएको जिल्ला प्रहरी कार्यालय रसुवाका प्रहरी नायब उपरीक्षक हेमबहादुर शाहीले बताए।
प्रहरी नायब उपरीक्षक शाहीको नेतृत्वमा खटिएको प्रहरी टोलीले नाकाबाट सुनसहित चालकलाई पक्राउ गरेको हो। पक्राउ पर्नेमा रसुवाको गोसाइँकुण्ड गाउँपालिका-५ का २४ वर्षीय किशोर भुजेल रहेका छन्। चालकको सिटनजिकै फल्स बटम बनाएर सुन राखिएको फेला परेको छ भने यसबारे थप अनुसन्धान भइरहेको प्रहरी नायब उपरीक्षक शाहीले बताए।
