बिरगंज ।नेपाल जनता पार्टीले पर्सा जिल्ला निर्वाचन क्षेत्र नं. २ अन्तर्गत पर्ने विभिन्न स्थानमा भावी योजना र एजेन्डाबारे बृहत छलफल तथा घरदैलो कार्यक्रम सम्पन्न गरेको छ। वीरगंज महानगरपालिका वडा नं. २९ का बसडिलवा र रतनपुर, पर्सागढी नगरपालिका वडा नं. ३ को पारस चौक तथा वडा नं. ६ को बागेश्वरी तितरौनामा छलफल कार्यक्रम आयोजना गरिएको थियो। यसै क्रममा आज वीरगंज महानगरपालिका वडा नं. ८ हरपुरमा घरदैलो कार्यक्रम पनि गरिएको छ।
“हर हर कमल, घर घर कमल” नारासहित सम्पन्न कार्यक्रमका क्रममा पार्टीले सनातन हिन्दू राष्ट्र नेपाल, रामराज्य स्थापना, भ्रष्टाचारमुक्त समाज, शिक्षा, स्वास्थ्य, सुशासन, विकास, सुरक्षा र रोजगारीलाई मुख्य प्राथमिकताका रूपमा अघि सारेको छ। साथै युवा, महिला र विद्यार्थीको सम्मान र सशक्तीकरणमा विशेष जोड दिइएको बताइएको छ।
कार्यक्रमलाई सम्बोधन गर्दै नेपाल जनता पार्टीका उम्मेदवार सन्तोष पटेलले क्षेत्रको समग्र विकास र समृद्धिका लागि पार्टीसँग स्पष्ट दृष्टिकोण र कार्ययोजना रहेको बताए। उनले लामो समयदेखि हिन्दू राष्ट्रको मुद्दा उठाउँदै आएको उल्लेख गर्दै टोल–टोलमा पुगेर जनचेतना फैलाइरहेको बताए।
कार्यक्रममा सहभागी स्थानीय बासिन्दाहरूले उम्मेदवार पटेलका विचार र एजेन्डाप्रति चासो व्यक्त गर्दै आगामी दिनमा सहकार्य र समर्थन रहने विश्वास व्यक्त गरेका छन्।
