१४ साउन,काठमाडौं । पाकिस्तानमा आइतबार दुई समूह बीचको हिंसात्मक झडपमा ३६ जनाको मृत्यु भएको छ भने १६२ जना घाइते भएका छन् । दुई समूहबीच षड्यन्त्रको विवादका रूपमा सुरु भएको को द्वन्द्व भीषण हिंसामा परिणत भएको थियो ।
यो विवाद पाकिस्तानको उत्तर–पश्चिम समस्याग्रस्त आदिवासी जिल्लामा भएको थियो। जानकारी भए अनुसार माथिल्लो कुर्रम जिल्लाको बोशेरा गाउँमा पाँच दिन अघि भीषण झडप सुरु भएको थियो।
उत्तरपश्चिम पाकिस्तानको एक अशान्त आदिवासी जिल्लामा जमिनको टुक्रालाई लिएर दुई जनजातिहरूबीच भएको सशस्त्र द्वन्द्वमा कम्तिमा ३६ जनाको मृत्यु भएको र अन्य १६२ जना घाइते भएको अधिकारीहरूले आइतबार बताएका छन् ।
यस क्षेत्रमा जनजाति र धार्मिक समूहहरू बीच घातक द्वन्द्वका साथसाथै साम्प्रदायिक झडप र आतंकवादी हमलाहरू पनि भएका छन्। अफगानिस्तानसँग सीमा जोडिएको खैबर पख्तुनख्वाको कुर्रम जिल्लामा गत पाँच दिनमा आदिवासी जनजातिको झडपमा ३६ जनाको मृत्यु भएको र अन्य १६२ जना घाइते भएको कुर्रमका उपायुक्त जावेदुल्लाह मेहसुदले बताए।
प्रहरीले जनजाति अग्रज, सैनिक नेतृत्व, प्रहरी र जिल्ला प्रशासनको सहयोगमा बोशेरा, मलिकेल र डन्डार क्षेत्रमा केही समयअघि सिया र सुन्नी जनजातिबीच युद्धविराम गरेको जनाएको छ । तर, जिल्लाका अन्य केही स्थानमा भने गोली चलिरहेको छ । अन्य क्षेत्रमा पनि युद्धविरामका लागि प्रयास भइरहेको एक अधिकारीले बताए ।
झडप पेवार, टाँगी, बालिशखेल, खार काले, मकबल, कुञ्ज अलिजाई, पारा चम्कनी, केरमानलगायतका क्षेत्रमा फैलिएको थियो । स्थानीय बासिन्दाहरूले प्रतिद्वन्द्वीहरूले एकअर्का विरुद्ध मोर्टार गोला र रकेट लन्चर लगायतका भारी र अत्याधुनिक हतियारहरू प्रयोग गरिरहेको बताए। कुर्रम आदिवासी जिल्लाको मुख्य सहर पाराचिनार र सड्डामा पनि मोर्टार र रकेट गोला प्रहार गरिएको थियो।
“कम्तिमा चार हमलाहरू हिजो रातिको भिडन्तमा भएका थिए, जसमा थप हताहत भएको थियो,” एक अधिकारीले जनाए । दिनभर सबै शैक्षिक संस्था र बजार बन्द रहे भने मुख्य सडकमा सवारी आवागमन ठप्प रहे । प्रभावित क्षेत्रमा प्रहरी र सुरक्षा बलको भारी फौज तैनाथ गरिएको जानकारी प्राप्त भएका छन्।
