७भदौ,रौतहट । चाडपर्वको नाममा अश्लीलता झल्किने भोजपुरी गीतमा नाचगान गर्न जिल्ला प्रहरी कार्यालय रौतहटले कडा कदम चालेको छ। हिजो बिहीबार एक सूचना जारी गर्दै जिल्ला प्रहरी कार्यालयकी प्रहरी नायब उपरीक्षक एलिजा गिरीले यस्तो गतिविधिमा रोक लगाइएको बताएकी छिन्।
सार्वजनिक सूचनामा भनिएको छ कि चाडपर्वको अवसरमा कुनै पनि प्रकारको अश्लीलता झल्किने भोजपुरी गीत गाउने, लवण्डा नचाउने, आर्केस्ट्रा आयोजना गर्ने, वा मनोरञ्जनका नाममा जुवातास खेलाउने गतिविधि अनुमतिविना गर्न नपाइने छ।
प्रहरीका अनुसार चाडपर्वमा समुदायमा अश्लीलता र असामाजिक गतिविधिहरू फैलिन नदिन र सामाजिक सद्भाव कायम राख्नको लागि यो कदम चालेको छ। यसलाई प्रभावकारी रूपमा कार्यान्वयन गर्न सबैलाई प्रहरीले सहयोग गर्न अपिल गरेको छ।
