२१ साउन, वीरगञ्ज । रौतहटबाट एकजना कटुवा पेस्तोलसहित पक्राउ परेका छन् । पक्राउ पर्नेमा रौतहट जिल्लाको गढीमाई नगरपालिका वडा नम्बर १ समनपुर घर भएका बिरेन्द्र राउत रहेका जानकारी भएको छ ।
प्रहरीका अनुसार बिशेष सुचनाको आधारमा इलाका प्रहरी कार्यालय गरुडाबाट खटिएको प्रहरी टोलीले राउतको घरमा छापामारी कटुवा पेस्तोल बरामद गरेको छ ।राउतले घरको आँगनमा झारपातले लुकाइछिपाइ राखेको अवस्थाबाट एक थान कटुवा पेस्तोल फेला पारेको रौतहटका प्रहरी नायब उपरिक्षक डिएसपी एलिजा गिरीले जानकारी गराएको छ ।
पक्राउ परेका ब्यक्तिमाथि आवश्यक अनुसन्धान भइरहेको प्रहरीले जानकारीदिएको छ ।
