२२ साउन,सप्तरी । छिन्नमस्ता गाउँपालिका वडा नं. १ वरही वीरपुरनजिक धानखेतमा एक जनाको शव फेला परेको छ। मृतकको पहिचान सिरहाको लहान निवासी ४५ वर्षीय पवनकुमार कर्णको रुपमा भएको छ। सप्तरी प्रहरीले राजविराज–कुनौली सडकको छेउमा रहेको धानखेतमा कर्णको शव घोप्टो परेको अवस्थामा फेला पारेको छ।
जिल्ला प्रहरी कार्यालय सप्तरीका प्रहरी प्रमुख एसपी गजुसिद्धि बज्राचार्यले घटनास्थलमा प्रहरी टोली पुगेको र प्रारम्भिक अनुसन्धान कार्य भइरहेको जानकारी दिए। मृतक कर्ण घटनास्थलनजिकै रहेको इँटाभट्टामा मुन्सीको रूपमा काम गर्दै आएका थिए।
घटनाको थप अनुसन्धान जारी रहेको र कर्णको मृत्युको कारण पत्ता लगाउन प्रहरी लागिपरेको छ। स्थानीय बासिन्दाहरू र परिवारजनले कर्णको अचानक निधनले शोकमा डुबेका छन्।
