२० साउन,वीरगञ्ज । पर्साको पटेर्वासुगौलीस्थित भाटा मेला तथा दर्शन गर्न आएका बेपत्ता भएका दुई युवकको शव फेला परेको छ । फेला परेका शव मकवानपुर राक्सीराङ गाउँपालिका वडा नम्बर २ का राजकुमार मेघी र मनहरी गाउँपालिका वडा नम्बर ५ का राम बहादुर मोक्तानको रहेको हो । 
शव पर्सा राष्ट्रिय निकुञ्जको शितलपुर खोला नजिकबाट फेला परेको हो । बेपत्ता दुई युवकको खोजीका लागि खटिएका उद्दार टोलीले उनीहरुको शव आज सवा ५ बजेको समयमा फेला पारेको उद्दार टोलीमा सहभागी सुमन ठाकुरले बताए । उनका अनुसार जंगली हात्तीको आक्रमणबाट उनीहरुको मृत्यु भएको हुन सक्ने अनुमान छ ।
घटनास्थलमा हात्तीको पाइला समेत देखिएको उनले जानकारी दिए । मकवानपुरबाट भाटा बाबाको दर्शन गर्न आएका उनीहरु साउन १९ गतेदेखि बेपत्ता भएका थिए ।
उद्दार टोलीले घटनास्थलबाट मृतकको शवको मुचुल्का तयारी पार्ने कार्य भौइरहेको ठाकुरले जनाए।
