२८ साउन, वीरगञ्ज । यस वर्ष प्रतीक दैनिकद्वारा स्थापित सुबोध स्मृति पत्रकारिता पुरस्कार पत्रकार विमला गुप्तालाई प्रदान गरिने छ ।
प्रतीक दैनिकका प्रधान सम्पादक जगदीशप्रसाद शर्माको अध्यक्षतामा आइतवार बसेको बैठकले यो निर्णय गरेको हो । यो पुरस्कार प्रत्येक वर्ष प्रतीक दैनिकको वार्षिकोत्सवको अवसरमा फोटो पत्रकार सुबोध पौडेलको सम्झनामा रु ५१ हजार राशिको पुरस्कार प्रदान गर्ने गरिन्छ ।
पत्रकार विमला गुप्ता संघर्षशील महिला पत्रकार हुन् । रेडियोबाट दशकौअघि पत्रकारिता प्रारम्भ गरेकी उनले अहिले राष्ट्रिय स्तरको पत्रिका नागरिक दैनिक र आफ्नै अनलाइन पोर्टल पर्सा अनलाइन सञ्चालन गर्दै समाजमा सुचना प्रवाहका लागि योगदान दिदै आएकी छन् ।
वार्षिकोत्सवमा यस वर्ष स्तम्भकारमा कुमार रूपाखेती, संवाददातामा धर्मेन्द्र चौरसिया र प्रतीक दैनिकको कर्मचारी महमद तबरेज हवारीलाई पुरस्कृत गर्ने निर्णय भएको छ ।पुरस्कार वितरण कार्यक्रम यस वर्ष भदौ १ गते शनिबार आयोजना गरिनेछ ।
