१२कार्तिक,वीरगञ्ज । महागढीमाई नगरपालिकास्थित विश्व प्रसिद्ध गढीमाई मन्दिर परिसरमा रहेका ४ वटा दान पेटिकामध्ये सोमबार मुख्य मन्दिरमा राखिएको एउटा दान पेटिका खोलि चढाइएको भेटी गणना सुरु भएको छ ।
महागढीमाई नगरपालिकाका मेयर उपेन्द्र यादवका अनुसार घटनास्थापनादेखि कात्तिक ११ गतेसम्म सङ्कलित भेटी गनिँदा ३ लाख ८७ हजार चार सय ७४ रुपैयाँ सङ्कलन भएको छ |
दान पेटिकाबाट नगद भेटीका साथै नेपाली र विदेशी मुद्रा र चाँदीबाट बनेका गढीमाई देवीका ५ जोडी आँखा पनि भेटिएका छन् । गणना सोमबार गढीमाई विकास समितिका पदाधिकारीहरूको रोहबरमा सम्पन्न गरिएको हो भनि मेयर यादवले बताए ।
। गढीमाईको मेला र विशेष पर्वहरूमा देश विदेशबाट श्रद्धालुहरूको उपस्थिति रहँदै आएको छ, जसले भेटीमा विविधता थपेको देखिन्छ ।
गढीमाई मन्दिरमा दसैँ र तिहारको बिचमा भक्तजनहरूको भीड लाग्ने भएकाले ठूलो सङ्ख्यामा भेटी सङ्कलन हुने अनुमान थियो |
दान पेटिकाबाट सङ्कलित सम्पूर्ण भेटी गढीमाई विकास समितिको कोषमा जम्मा हुनेछ । यस रकमलाई मन्दिरको संरक्षण, व्यवस्थापन र विकासका काममा खर्च गरिने योजना बनाइएको छ भनि मेयर यादवले जनाए ।
गढीमाई मन्दिरले वर्षभर धार्मिक कार्यक्रमहरू आयोजना गर्नुका साथै विभिन्न अवसरमा दर्शनार्थीहरूलाई सेवा प्रदान गर्दै आएको छ । विशेष गरी गढीमाई मेला, जसमा लाखौँ श्रद्धालु सहभागी हुन्छन्, मन्दिरका लागि मुख्य आर्थिक स्रोतका रूपमा रहने गरेको छ ।
