२ मंसिर,विराटनगर|राष्ट्रिय स्वतन्त्र पार्टी (रास्वपा) का नवीनकुमार विश्वासले मोरङको ग्रामथान गाउँपालिकाको अध्यक्ष पदमा आफ्नो उम्मेदवारी दर्ता गराएका छन् । रास्वपा पहिलोपटक स्थानीय तहको निर्वाचनमा भाग लिँदै छ । पार्टीका नेता कार्यकर्तासहित मुख्य निर्वाचन अधिकृतको कार्यालयमा पुगेर विश्वासले उम्मेदवारी दर्ता गराएका हुन् ।
|राष्ट्रिय प्रजातन्त्र पार्टीका दिनेशकुमार थन्दार (दिवेश)ले यसअघि नै मनोनयन दर्ता गराइसकेका छन् । मोरङको ग्रामथानमा अध्यक्ष पदका लागि आगामी मंसिर १६ गते उपनिर्वाचन हुँदै छ । अन्य दलका उम्मेदवार पनि मनोनयन दर्ताका लागि मुख्य निर्वाचन अधिकृतको कार्यालयमा पुग्ने क्रम जारी छ भनि जानकारी प्राप्त भएको छ ।
