२२चैत, भैरहवा |उच्च अदालत तुलसीपुरको बुटवल इजलासले राष्ट्रिय स्वतन्त्र पार्टी (रास्वपा)का सभापति रवि लामिछानेलाई थुनामा पठाउने आदेश दिएको छ। न्यायाधीशद्वय रमेश ढकाल र स्वीकृति पराजुलीको संयुक्त इजलासले जिल्ला अदालत रुपन्देहीको आदेश बदर गर्दै उच्च अदालतले लामिछानेलाई थुनामा पठाउने आदेश दिएको हो।
लामिछाने सुप्रिम सहकारी ठगी र संगठित अपराध मुद्दामा जिल्ला अदालत रुपन्देहीको आदेश खारेजीको माग गर्दै उच्च अदालत तुलसीपुर बुटवल इजलासमा पुनरावेदन गरेका थिए।
जिल्ला अदालत रुपन्देहीले उक्त मुद्दामा सभापति लामिछानेलाई यसअघि १ करोड रुपैयाँ धरौटीमा छाड्न र पूर्वडीआईजी छविलाल जोशीलाई पूर्पक्षका लागि थुनामा पठाउने आदेश गरेको थियो।
उक्त आदेश चित्त नबुझेको भन्दै उनीहरूले उच्च अदालतमा पुनरावेदन निवेदन दिएका थिए। जोशीले आफूलाई धरौटीमा छाड्नुपर्ने भन्दै निवेदन दिएका थिए।
