मनोज कुमार
२४ वैशाख, वीरगञ्ज । वीरगन्जको नेशनल मेडिकल कलेजका सुरक्षागार्डले बिरामीका आफन्तलाई दुर्व्यवहार गरेको घटना बाहिरिएको छ । कलैया उपमहानगरपालिका वडा नं.८ की बिरामी कलिजा खातुनको कुरुवा बसेका आफन्तलाई मेडिकल कलेजका सुरक्ष गार्डले दुर्व्यवहार गरेको हो ।
हात भाँचिएर विगत १५ दिन देखि नेशनल मेडिकल कलेजमा अपरेशन गरी सजिर्कल वार्डमा उपचार गराई रहेकी कलिजा खातुनलाई कुर्न बसेका आफन्तहरुलाई नै बिरामीसँग भेट्न नदिएर मेडिकल कलेजका सुरक्षागार्डले दुव्र्यवहार गरेको बिरामीका आफन्तले गुनासो गरेका छन् ।
बुधबार विहानदेखि कुरुवाहरुलाई विरामीसँग भेटन नदिएपछि कुरुवा र सुरक्षा गार्डबीच विवाद भएको भिडियो सार्वजनिक भएको छ । सुरक्षा गार्डहरुले जान नदिएपछि कारण सोध्दा उनीहरुले दुव्र्यवहार गरेको बिरामीका आफन्तको भनाई छ । घटनाको विषयमा नेशनल मेडिकल कलेजले भने अस्वीकार गरेको छ ।
नेशनल मेडिकल कलेजमा सुरक्षा गार्डले बिरामी वा कुरुवासँग सधै धाक दिने र अश्ब्द समेत प्रयोग गर्न गरेको एक बिरामी कुरुवाको भनाई रहेको छ |
