२८ जेठ,काठमाडौं । पहिलोपटक नेपाली सेनामा शिख समुदायबाट प्रतिनिधित्व भएको छ । बाँके जिल्ला, जानकी गाउँपालिका–२, बनकटुवा निवासी करण सिंह शिख नेपाली सेनाको सिपाही दर्जामा दीक्षित भएका हुन् ।
संवैधानिक व्यवस्थाअनुसार समावेशिताको सिद्धान्तलाई पालना गर्दै सबै जात, धर्म र समूहका नेपाली नागरिकलाई नेपाली सेनामा समान अवसर र पहुँच रहेको नेपाली सेनाले जनाएको छ ।
करण सिंह गत साउन १ गते नं ४ बाहिनी अड्डा, नेपालगन्जमा भर्ना भई अछाम जिल्लास्थित गोरखबक्स गणबाट सैन्य आधार तालिम सम्पन्न गरि यही जेठ २३ गतेबाट सेनाको सिपाही बनेका हुन् ।
