काठमाडौं | शुक्रबार सुनको मूल्य पुनः बढेको छ। अघिल्लो दिन बिहीबार २ हजार रुपैयाँले घटेको सुनको मूल्य आज २ हजार १ सय रुपैयाँले वृद्धि भएको हो।
नेपाल सुन–चाँदी व्यवसायी महासंघका अनुसार शुक्रबार प्रतितोला सुनको मूल्य २ लाख ६७ हजार ८०० रुपैयाँ कायम भएको छ। बिहीबार सुन प्रतितोला २ लाख ६५ हजार ७०० रुपैयाँमा कारोबार भएको थियो।
यता, सुनको मूल्य बढे पनि चाँदीको मूल्य भने घटेको छ। शुक्रबार प्रतितोला चाँदी ४ हजार ७८० रुपैयाँमा कारोबार भइरहेको छ। बिहीबार चाँदी प्रतितोला ४ हजार ८३५ रुपैयाँमा खरिद–बिक्री भएको थियो।
