उनले स्थानीय तहमा जनताको अपेक्षाअनुसार विकास निर्माण र सेवा प्रवाहलाई प्रभावकारी बनाउन इमानदार नेतृत्व आवश्यक रहेको धारणा व्यक्त गरे। साथै, स्थानीय स्तरमा रास्वपाको घण्टी चुनाव चिह्नलाई समर्थन गर्दै पार्टीलाई अवसर दिए जनताको चाहनाअनुसार विकास र परिवर्तनका लागि काम गर्न सकिने विश्वास व्यक्त गरे।
कार्यक्रममा रास्वपा मधेस प्रदेश यातायात विभाग प्रमुख राम आर्य, रास्वपा रौतहट क्षेत्र नं. २ का कार्यवाहक सभापति विवेक पटेल (गुड्डु) तथा राजपुर नगरपालिकाका रास्वपा नगर सभापति सरफराज,सह सचिव समसाद,वडा ५ का सभापति जुनैद,रजिक र अब्दुल सजिक लगायत पदाधिकारीहरूको विशेष उपस्थिति रहेको थियो।
भेटघाटका क्रममा स्थानीय समर्थक तथा शुभचिन्तकहरूसँग समसामयिक राजनीतिक विषय, पार्टीको भूमिका र स्थानीय विकासका सम्भावनाबारे छलफल गरिएको थियो।
उक्त भेटघाटलाई रौतहटमा पार्टी संगठन विस्तार, समर्थकहरूसँगको सम्बन्ध सुदृढीकरण तथा स्थानीय स्तरमा राजनीतिक संवादलाई थप प्रभावकारी बनाउने प्रयासका रूपमा लिइएको छ।
