ववीरगञ्ज, अत्याधिक मदिरा सेवन गरी आफ्नै घरमा आगो लगाउने एक जना रौतहटको पक्राउ परेका छन् ।रौतहट राजदेवी नगरपालिका वडा नं.९ ब्रह्मपुरी टोलका ४५ वर्षीय नितेश सिंहलाई पक्राउ गरिएका हुन् ।
जिल्ला प्रहरी कार्यालय रौतहटका नायब उपरिक्षक डिएसपी एलिजा गिरीका अनुसार सिंहले मादक पदार्थ सेवन गरी आफ्नै टाटीको बेरा र फुसको छानो भएको घरमा आगो लगाएका थिए । आगो तत्कालै स्थानीय र प्रहरी टोलीले निभाएका थिए ।आगो तत्काल नियन्त्रणमा नआएको भए वरपरका अन्य घर समेत जलेर ठुलो जनधनको क्षति हुन सक्ने प्रबल सम्भावना रहेको प्रहरीले जानकारी गराएका छ ।
आगो लगाउने सिंहलाई उनकै घरबाट पक्राउ गरी आपराधिक उपद्रो शिर्षकमा मुद्दा दर्ता गरी जिल्ला अदालतबाट म्याद थप गरी थप अनुसन्धान भइरहेको प्रहरीले जानकारी दिएका छ ।
