५पुष्,दिल्ली|भारतको राजस्थान राज्य स्थित जयपुर–अजमेर राजमार्ग क्षेत्रमा ग्यासले भरिएको ट्याङ्कर विष्फोट हुँदा भीषण आगलागी भएको हो। शुक्रबार बिहान करिब ६ बजे भएको घटनामा आठ जनाको मृत्यु भएको छ ।
भारतीय सञ्चार माध्यमहरूले जनाए अनुसार आगलागीमा परी ३५ जना घाइते भएको छन् । अस्पतालमा भर्ना भएकामध्ये ५० प्रतिशतको अवस्था गम्भीर छ
भने मृत्यु हुनेको संख्या बढ्न सक्ने समाचारमा उल्लेख छ ।
जानकारीका अनुसार ट्रकसँग ठोक्किएपछि ट्याङ्कर विष्फोट भएको थियो । ट्यांकर विस्फोट भएपछि ३० भन्दा बढी गाडीमा आगलागी भएको थियो ।
आगो निभाउन ३ दर्जन एम्बुलेन्स र दमकल प्रयोग गरिएको थियो र जयपुर–अजमेर राजमार्ग बन्द गरिएको थियो |
