२५ फागुन,काठमाडौं।पुर्व गृहमंत्री एवं राष्ट्रिय स्वतन्त्र पार्टी रास्वपाका सभापति रवि लामिछाने दोस्रो तारिख बुझ्नका लागि आज कास्कीतर्फ लागेका छन्।
लामिछानेको सचिवालयका अनुसार लामिछाने कास्की जिल्ला अदालतमा दोस्रो तारिखका लागि उपस्थित हुन कास्की पुगेका हुन्। यसअघि उनी ८४ दिनसम्म कास्की प्रहरीको हिरासतमा बसेका थिए।
लामिछाने सहकारी ठगी, संगठित अपराध र सम्पत्ति शुद्धीकरण मुद्दामा जिल्ला अदालत कास्कीबाट ६५ लाख धरौटीमा रिहा भएका थिए। रवि सोमबार रुपन्देहीमा पनि जानेछन्। बुटवलस्थित सुप्रिम सहकारी ठगि प्रकरणमा लामिछाने १ करोड धरौटीमा रिहा भएका थिए।
सहकारी प्रकरणमा ४ जिल्ला कास्की, रुपन्देही, चितवन र काठमाडौंमा मुद्दा खेपिरहेका लामिछाने हाल राजनीतिक रुपमा भने निष्क्रिय रहेका छन्।
