जनकपुर ।संवैधानिक भएको आरोप लगाउँदै सातदलीय गठबन्धनका सांसद र कार्यकर्ताहरूले बुधबार बिहानदेखि मधेस भवन गेट जनकपुरस्थित अगाडि प्रदर्शन सुरु गरेका छन्।
‘संविधान मिच्न पाइदैन’, ‘मुख्यमन्त्री नियुक्ति खारेज गर’ जस्ता नारा लगाउँदै कांग्रेस, माओवादी केन्द्र, जसपा नेपाल, लोसपा, जनमत पार्टी र एकीकृत समाजवादीलगायत दलका कार्यकर्ताहरू सडकमा धर्नामा बसेका छन्। प्रदर्शनकारीमाथि भएको लाठीचार्जको विरोधमा पनि उनीहरूले सडक तताएका छन्।
प्रदेश प्रमुखले मुख्यमन्त्री सरोजकुमार यादवलाई असंवैधानिक रूपमा नियुक्ति गरेको भन्दै सातदलीय गठबन्धनले विरोध गर्दै आएको छ। शपथग्रहणकै दिन मुख्यमन्त्री कार्यालय परिसरमा तोडफोड र कर्मचारीमाथि हातपात भएको घटनापछि मधेस प्रदेशभर विरोध प्रदर्शन तीव्र भएको हो।
सडकमा सुरु गरिएको धर्नाका कारण जनकपुरको मुख्य मार्गमा सवारी आवागमनमा कठिनाइ भएको प्रहरीले जनाएको छ। स्थिति नियन्त्रणमा लिन ठूलो संख्यामा सुरक्षाकर्मी परिचालन गरिएको छ
