जनकपुर| मधेश प्रदेशका मुख्यमन्त्री सरोज यादवले भोलि दिउँसो २ बजे प्रदेश सभामा विश्वासको मत लिने भएका छन्।मंगलबार पत्रकार सम्मेलन गर्दै उनले प्रदेश प्रमुखबाट दिउँसो ३ बजे पत्र प्राप्त भएको जानकारी दिए।
उनका अनुसार संविधानले तोकेको समयसीमाभित्र नै विश्वासको मत लिने तयारी पूरा भएको छ।मुख्यमन्त्रीले आजै प्रदेश सभा सचिवालयलाई प्रक्रियाका लागि आवश्यक पत्र पठाइसकेका छन्।
यादवले विगतमा सरकारलाई सहयोग गरेका दलहरूले फेरि पनि आफूलाई विश्वासको मत दिने आशा व्यक्त गरे।
