काठमाडौं । नेपाली बजारमा चाँदीको मूल्य हालसम्मकै उच्च विन्दुमा पुगेको छ। नेपाल सुन–चाँदी व्यवसायी महासंघका अनुसार बुधबार प्रतितोला चाँदीको मूल्य ४ हजार ५५ रुपैयाँ कायम भएको छ। मंगलबार चाँदी प्रतितोला ३ हजार ८८५ रुपैयाँमा कारोबार भएको थियो।
यसैगरी सुनको मूल्य पनि वृद्धि भएको छ। महासंघका अनुसार मंगलबारको तुलनामा बुधबार सुनको भाउ ७ सय रुपैयाँले बढ्दै प्रतितोला २ लाख ५९ हजार ७ सय रुपैयाँ पुगेको छ। मंगलबार सुन प्रतितोला २ लाख ५९ हजार रुपैयाँमा कारोबार भएको थियो।
यसअघि सोमबार प्रतितोला सुनको मूल्य २ लाख ६० हजार ७ सय रुपैयाँसम्म पुगेको थियो।
