काठमाडौं । नेपाली बजारमा आइतबार सुनको मूल्य उल्लेख्य बढेको छ। एकैदिन प्रतितोला ३ हजार ६ सय रुपैयाँले बढेसँगै सुनको मूल्य ३ लाख ५ हजार २ सय रुपैयाँ पुगेको छ।
नेपाल सुन–चाँदी व्यवसायी महासंघका अनुसार आइतबार प्रतितोला सुन ३ लाख ५ हजार २ सय रुपैयाँमा कारोबार भइरहेको छ। अघिल्लो साताको अन्तिम कारोबार दिन शुक्रबार सुनको मूल्य प्रतितोला ३ लाख १ हजार ६ सय रुपैयाँ थियो।
सुनको मूल्यसँगै चाँदीको भाउ पनि बढेको छ। महासंघका अनुसार चाँदी प्रतितोला ५० रुपैयाँले बढेर ४ हजार ७१० रुपैयाँ पुगेको छ। शुक्रबार चाँदी प्रतितोला ४ हजार ६६० रुपैयाँमा कारोबार भएको थियो।
