काठमाडौँ । पूर्वप्रधानमन्त्री सुशीला कार्कीले रसुवाको भोटेकोशी बाढीबाट प्रभावित नागरिकको उद्धार, राहत तथा पुनःस्थापनाका लागि आफ्नो एक महिनाको पेन्सन रकम सहयोग गरेकी छन् ।
कार्कीको सचिवालयका अनुसार उनले राष्ट्रिय वाणिज्य बैंकमा रहेको प्रधानमन्त्री दैवी प्रकोप उद्धार कोषको खातामा आफ्नो मासिक पेन्सनबापतको ७७ हजार रुपैयाँ जम्मा गरेकी हुन् ।
सहयोगसँगै पूर्वप्रधानमन्त्री कार्कीले प्राकृतिक विपद्को यस विषम परिस्थितिमा सबै नागरिक तथा राजनीतिक दललाई एकजुट भएर प्रभावितको उद्धार तथा राहतमा जुट्न अपिल गरेकी छन् ।
उनले बाढी प्रभावित क्षेत्रमा अहोरात्र खटिएका सुरक्षाकर्मी, स्वास्थ्यकर्मी, स्वयंसेवक तथा स्थानीय बासिन्दाको सक्रियता र समर्पणको प्रशंसा गर्दै आफ्नो सामर्थ्यअनुसार प्रभावित परिवारलाई सहयोग गर्न सबैलाई आह्वान गरेकी छन् ।
