३० फागुन, काठमाडौं । तीन प्रदेशका नव नियुक्त प्रमुखले पद तथा गोपनीयताको शपथ लिएका छन् ।
गत सोमबार बसेको मन्त्रिपरिषद बैठकले प्रदेश प्रमुख मधेशप्रदेशमा सुमित्रा सुवेदी, गण्डकीमा डिल्लीराज भट्ट र सुदूरपश्चिममा नजिर मियालाई प्रदेश प्रमुख सिफारिस गरेको थियो |
मन्त्रिपरिषदको सिफारिस अनुसार उनीहरुलाई बुधबार प्रदेश प्रमुखमा राष्ट्रपति रामचन्द्र पौडेलले नियुक्त गरेका छन् ।
उनीहरुले बुधबार नै राष्ट्रपतिबाट पद तथा गोपनीयताको शपथ लिएका छन् । मन्त्रिपरिषदको सिफारिसमा राष्ट्रपतिले मधेशका प्रदेश प्रमुख हरिशंकर मिश्र, गण्डकीका पृथ्वीमान गुरुङ र सुदूरपश्चिमका देवराज जोशीलाई बुधबार नै पदमुक्त गरेका थिए ।
प्रधानमन्त्री प्रचण्डले कांग्रेससँगको गठबन्धन छाडेर एमालेसँग गठबन्धन बनाएर पछिलो समय नियुक्त भएका कांग्रेस निकट प्रदेश प्रमुखहरुलाई हटाएर एमाले निकटका व्यक्तिहरुलाई प्रदेश प्रमुख नियुक्त गराएका हुन् ।
